І на 15-тым тыдні знаходжання ў чарце мы развітваемся з кампазіцыяй «Калі ты са мной» у выкананні дуэта Вольга Плотнікава і Аляксандр Лапскі. Але на змену ёй прыходзіць надзвычай рамантычны, па-сапраўднаму восеньскі трэк ад Дзмітрыя Калдуна пад назвай "Чаму?". Гэта пытанне не дае спакою артысту практычна чатыры хвіліны (менавіта столькі доўжыцца песня). А ці знойдзе яна водгукі ў вашых сэрцах, ці даб'ецца эмацыянальнага ўсплёску і ці закране струны Вашай душы - мы даведаемся праз сем дзён. А цяпер - проста слухаем ...

На працягу сямі дзён галасуйце за любімыя песні беларускіх аўтараў і выканаўцаў на mvradio.by. Там жа ёсць магчымасць пазнаеміцца з трэклістом праграмы. А за пачаткоўцам ідуць старажылы нашага "Бульба-хіта" - калектыў "Без білета" і іх трэк "Сонца ўзыдзе". Восень наступіла, з кожным днём сонца ўзыходзіць ўсё пазней ... А песня хлопцаў, мабыць, нагадвае Вам пра лета і проста радуе сваёй лёгкасцю.

А вось тройка лідэраў - без зменаў. На трэцім месцы «Цёмныя нябёсы» ў выкананні калектываў БІ-2 і Смысловые галюцынацыі. Дарэчы, сумесная праца хлопцаў ужо 10 тыдняў у чарце.

Нагадваю, што вы слухаеце пяцёрку лепшай беларускай музыкі тыдня Бульба Хіт. Эфір кожную нядзелю ў 12-00. На працягу ўсяго тыдня галасуйце за любімыя песні беларускіх аўтараў і выканаўцаў на mvradio.by. Там жа ёсць магчымасць пазнаеміцца з трэклістом праграмы. На другой пазіцыі - пазітыўны, малады, энергічны і проста таленавіты чалавек - Віталь Варанко з беларускамоўным трэкам "Вяртайся".

І зноў - з велізарным адрывам ад квартэта - лідзіруе Егіазар і яго "Прыступкі радасці". Але нешта мне падказвае, што канкурэнцыю яму складзе Дзмітрый Калдун. Чым жа скончыцца супрацьстаянне двух чароўных рамантыкаў - даведаемся праз тыдзень. А пакуль - Егіазар "Ступені шчасця".